[align=center]بسـم الله الرحمـن الرحيـم

السـلام عليكـم ورحمـة الله وبركاتـه


مـدري يا قـراء انتـم مثلي والا لا ..؟ لاسمعـت كلمـة صنـدوق أحـس إن السالفـة فيهـا دفـع قـروش للمواطنيـن وانبسـط .. وادعـي من كل قلبـي إن البلـد تمتلـي صناديـق .. صناديـق تسهـل للبشـر رزقهـم وتساعدهـم في هالزمـن ..

صار المواطـن بعـد كـم نكبـة من نكبـات الاسهـم ونكبـات تجـار العقـار والمساهمـات العقاريـة ونكبـات مساهمـات سـوا الوهميـة .. الـخ مـن النكبـات اللي راحـوا فيهـا المواطنيـن ولا حـد سمـى عليهـم ..

لا سمعـت كلمـة صنـدوق يقـوم الأدريناليـن ( زيت السعادة بالمـخ ) يضـخ لآخـر الأمبيـر حقـه .. حتى إني أخـاف يخلـص ولا يبقـى شيء يوصلني لأيامي الباقيـة .. الإنسـان بدون أدريناليـن مثل السيارة بـدون مويـة مساحـات ممكـن تمشـي سنـوات لكـن يجي يـوم ماعـاد تشـوف اللي قدامـك ..


مـن اقـرأ بالجرايـد عـن إنشـاء صنـدوق كـذا وكــذا .. ودي اطمـر للريـس حق هالصنـدوق واشكـ ذاك المعـروض ومن يطلبني أشـرح موضوعـي احـط شماغـي على عيـوني واهشمهـا بكـاء ليـن يوقـع وهـو مايعـرف وش السالفـة ..


أحـس إن رؤسـاء الصناديـق نـاس قلوبهـا رحيمـة على البشـر .. وماحصلـوا على المناصـب إلا إنهـم كفـو .. لأن من حصل على شيء يستاهلـه .. صنـدوق تنميـة الموارد البشريـة ماقصـر ويحـاول يرضـي النـاس اللي صعـب رضاهـم .. بس حنا شرهانين عليـه بكـم شغلـة ..


اللي نعرفـه إنهـم مختنصيـن بشغلتيـن .. الابتعـاث الداخلي .. والتدريـب من أجـل التوظيـف .. وهـذا اللي كان فيـه الصنـدوق نشيط ماشـاء الله يدرب شبابنـا لمـدة سنتيـن ويجهـزهـم للوظايـف .. أو يدرب الموظفيـن على راس العمـل لمـدة ستـة شهـور أحسـن تدريـب وأحسـن تعامـل ويدفـع الصنـدوق خمسـة وسبعيـن بالميـة من قيمـة هالتدريـب لمـدة سنتيـن كاملـة ..


لكـن مع احتيـاج شبابنـا للابتعـاث الداخلـي قـام الصنـدوق يحـط شـروط شبـه تعجيزيـة واختلفـت قوانينـه .. إذا كنـت تبي تـروح ابتعـاث على حسـاب صنـدوق تنميـة الموارد البشريـة لازم تجيـب شهـادة من الضمـان الاجتماعي أنك إنسـان ماكـل هـواء .. أو من جمعيـة خيريـة إنك إنسـان رايـح فيهـا ..


قلنـا ماعليـش حـق من حقوقهـم عشـان يقدرون يعرفون الصادق من الكاذب .. لكـن النكبـة إن هالفقيـر المعـدم ملـزوم يرجـع كامل المبلـغ على أقسـاط وكمان ماتنطبـق عليه شـروط الابتعـاث الاخـرى ..

يعني بيضـة ديك واحمد ربك يافقيـر يامعـدم .. القصـة هنـا ياصندوقنـا العزيـز .. شلـون تطالـب اللي جايب لك من جمعية خيرية أو صندوق الضمان أنه مايلقى حق عشـاهـ .. ولا تطالب اللي انت تدربهـم لمدة سنتين وتصرف عليهم بأي مبالغ يرجعونهـا .. وش فرق حقيـن الابتعاث الداخلي عن حقين التدريب الداخلي ..


ترى الطيـب ينشـرهـ عليـه .. ياصنـدوق تنميـة بشريتنـا .. حنا لولا غـلاك ماشرهنـا عليك .. بس انت صنـدوق عليك العلـم .. والناس ترجي الله ثم ترجيك .. فاتحة على روح المرحوم .. تهيء تهيء تهيء .. الله يرحمـه كان طيـب .

اهـاااا بـس اهـاااا[/align]