السلام عليكم ورحمة الله وبركاته
•°• كاسات الصمون بالدجاج والجبن •°•
بالأول جيبي صمون وقطعيه لأربع قطعات وصفيه بالصينية ( خليه واقف )
وبعدين ابدي فرغي محتوى كل قطعة بس بدون ما توصلين للقاع
يعني تخلينها مثل الكاس المفرغ
وللتوضيح هذي صورة

وبعدين احشيها بحشوة الدجاج الشهية :
وطريقتها كالتالي /
هاتي دجاجة ونظيفها واسلقيها في ماء وملح وشوية بهار وكم حبة هيل وعود قرفة وشوية كركم
حتى نتخلص من الزفرة
وبعدين صفيها من الماء ونتفي الدجاج إلى قطع صغيرة
وبعدين على النار احمسي شوية بصل ولما يحمر أضيفي عليه الدجاج
وتبيلها بالبهارات المفضلة عندك + نصف حبة ماجي وبعدين أضيفي عليه جزرة كبيرة مبشورة + نصف حبة فلفل رومي مقطع شرائح صغار
ألحين طفي النار وأضيفي على الحشوة
ملعقتين طعام مايونيز + ملعقتين طعام جبن كرافت السائل
واحشيها بداخل حبات الصمون
ثم رشي على الوجه وأغلقيه بجبن موزيريلا مبشور بهذا الشكل

هنيه صورة مقربة أكثر عسب أيوعكم >>> نذلة هههههههههههههههههه

وبعدين دخليها الفرن وشغلي عليها من فووووووووووق بس حتى يتحمر الجبن ويسيح
وهذا شكلها لما بعد ما تطلع من الفرن

وهنا مقربة أكثر للتجويع أكثر وأكثر خخخخخخخخخخخخخ

وقدميها وألف صحة وعاااااااافية يا رب :)
(بجرب الطريقه ان شاءالله )
منقول