شفت الحكومة هتعمل إيه؟
هتبيع بلدنا وعفشنا ماقلتش ليه!
السهم راح هتوزعه
ملايين يهدوا هيقطعوا
والناس هتاخد سهمها
شركات وتفتح بطنها
والعامة تفرح راح تبيع
ودا سهم إيه دا ملهش ريع
والسعر يرفع عندنا ويروح أملنا وحلمنا
الناس دى عايزة منا إيه؟
ونبيع وطنا ونمشى ليه!
وكفاية نزعل على اللى فات
بعناه بلاش وقالوا لنا مات
والناس دى كبرت كرشت
وجيوبهات عليت عرشت
عاوزين نشارك فعلهم
ونقول كلام على رشدهم
وإن إحنا بعنا فى سهمنا
وكشفنا حالنا وملكنا
وحكومة تنجو بنفسها
ولا حد راح هيقولها
ولا فيه مظاهره خلاص كده
ولا وقفة وحشة منكدة
والسهم يوصل للكبار
ونبيعه سهل مفيش نقار
واحنا اللى بعنا فى ملكنا
ووطنا ده بقى مش لنا
لازم هنرحل من هنا
عواد دا باعها وهدنا
وإحنا كمان هنقلده
ونقول ونمدح مولده
ولا عدش عيب دا فى حقنا
ويهودا جاى هيؤمنا
وإحنا الفيران بقى جربوا
ولا فيه اعتراض ولا نهربوا
واللى يموت بقى من التجارب عندنا
فيه ألف فار هيقوم ويجرى يروح لنا
آخرتها قولى هنعمل إيه
دا البحر ضاق ولا عدش فيه
والقطر مل وجربوا
ولا عاد هيقتل واهربوا!
28 - 11 - 2008, 12:43
الناس دى عايزة منا اية 
المواضيع المتشابهه 
