- ماتلاحظون معي إن أزمة السمنه صارت عند الجميع
- وماتلاحظون إن في كل بيت لازم نلقى متختخ ولا متختخه ولا مربرب ولا مربربه ولا دب ولا دبيه وتلقون عيارتهم خزان بريده هع ;)
- وماتلاحظون إن الأغلبيه ناوين يسون ريجيم ولا رياضه يوميه << طبعاً هالنيه مشتغله طول السنه بس من غير تنفيذ << وياكرشتي لا تحزني
- وماتلاحظون من تالي مقاسات هالعالم XL وما فوق << أول السمان اذا راحوا للسوق ومايلقون شيء يشرونه .. بينما الأن تلقون محلات مخصصه للسمان
<< هذا هو التطور, ليتهم بالطريق يخترعون لنا آله تلبسنا علشان نرتاح :o << ناس ماتنعطى وجه
- وماتلاحظون السيارات كل مالها توسع << يخرب بيت شيطانهم الأكبر .. لاحظوا الفرق بين كابرس الحين وكابرس البيضا القديمه << مااخبر الا اللي لونه ابيض :p .. وحتى الددسن تغير ماهو مثل أول << الحين إن أقبل ددسن من بعيد تحسبه جمس من كبره و وسعه
- وماتلاحظون ان المطاعم كثرن << اعوذ بالله إن بغينا نطلب شيء من المطعم نقعد ساعه محتارين وش نطلب وبالأخير نصفى على لبنه وخيار << بي عرق سورور
- وماتلاحظون من تالي الجوالات صايريين تقل زراديه من كبرهن
- وماتلاحظون إني كثرت ملاحظات وللحين مادخلت في صلب الموضوع << يالليل ماطولك وتوه النهار توه




اييييييه اجل تبونا نضعف وانتم ماعندكم الا الدجه .. بذمتكم شلون نضعف ونظامنا الغذائي للحين خرطي ,,, نبدا يومنا بقهوه اللي نفطر عليه << لا يجوني ناس تتميلح و يقالهم افنديه وراعيين اتيكيت ويعنني مايشربون الا كفرتشينو ولا قهوه تركيه ( لاني بقول له اقطعوا واخسوا وترا كلهن واحد :mad: ) <-- تحسوني حاقده على فئة من هالناس اللي يتصنعون في حياتهم << وع مالت عليهم هالشنيعات :p



ايه نبــدا بالقهوه يصاحبها التميرات ولا نفطر مالذ وطاب من النواشف ونختمها بشاهي ( يعني كأننا ما فطرنا ) << تدرون اكبر غلط نشرب شاهي مباشرة بعد الأكل ,, صحيح الشاهي مفيد لانه يهضم بس يااخي يحرق الفايده اللي بالأكل << ترى ماادري كلامي صحيح ولا لأ بس انا اتخيل كذا :D << موضوعي وكيفي اكتب فيه اللي ابي



وهمـــن نتغدا على وجبتنا الرئيسيه المقدسه ( الكبسه ) .. ولا تهون المرقه ولا الملخويه<< برضو بي عرق اجبشن , اللي يقهر تلقون هالحريم عندهم درج مليان كتب طبخ واوراق كاتبتهن بنت مرت خالهم ولا عمتهم ولا ام رجلها ولا جارتها :rolleyes:.. ومع ذا مايسون الا الكبسه ( بس تعالوا شوفوهن لما يصير عندهن عزيمة حريم ولا رجلها عازم اخوياه .. ماشاء الله تسوي بوفيه للمعازيم )




وثم نختـــــم اليوم الحافل بعشا لزيز خاااااالص يا ناكل من الوجبات السريعه ( الجنك فود ) ولا ناكل من هالطبخات البيتوتيه يعني انواع الدسم فيها.. بالعربي وبالمختصر المفيد >>> عشا يعور جدار المعده هالميسيكينه <-- تحسون جدار المعده خويتي من كثر مااشتكت لي :D هع



وطبعاً اللي يسهرون ولا ينامون بدري ينقلبون فيــران على اخر الليل من الجوع اللهم ياكافي , ومافي شيء مايشتهونه و ودهم ياكلونه
لدرجة لو شافوا واحد بالتلفزيون شرب ماء قالوا نبي ماء << يعني جد حالتهم صعبه:D ,, ولا ان سألتهم ورا حالكم كذا قالوا :
اسهر معي لليله حاول تحس بلوعتي لليله
وعد النجوم وش كثرها ياللي في بطني كثرها



وهذا غير بين الوجبات الرئيسيه .. يعني مثلا لو بغيت سفن اب اسوي الوووو لاقرب بقاله واقولهم ارسلوا للبيت سفن اب وبطاطس و سنكرز << اذكر السنكرز نسميه من اول ابو فول سوداني << ورانا حنا كذا ,, ان بغينا نسمي شيء لازم نخليه ابو :confused: << ولا ذاك باونتي نسميه ابو جوز الهند ولا هذاك ابو جبل <<ذا للحين ماعرفت اسمه .. ولا ذاك ابو ذيل طويل .. مااكتشفت ان اسمه بنك بانثر الا يوم دخلت الثانوي << مسكت طريق انا وخشتي البهيه

وبرضو بين الوجبات .. نكحن من الشاهي والقهوه وطبعاً لازم يصاحبها شيء ينوكل >> كيك , معجنات , فصفص , مكسرات << ودي نتعود اننا نشرب من غيرما ناكل ولا ناكل من غير مانشرب :D << اييييه لما يسمحون بالسواقه ان شاء الله نتعود



و كله كوووووم والحلا اللي عقب الغدا كوم ثاني .. اجل نهبد على الغدا لين نقول العيد باتسر وعقبها نحلي بتيشز كيك ولا بكريمه ولاميرنغ الليمون ;) << الحين المعده مختنقه و واصلتن حدها وتحلون بحاجه آآآآآي



بالنهاية يا أعزائي احب اختم موضوعي بمقولة جدي الله يحفظه >>> ( نفساً تعاف ماتسمن )

:D:D:D:D:D:D