هذه الفروق بين تماسيحنا وتماسيحهم
• أولاً:
التمسوح السعودي من صغره يعني في عمر أربع سنين يلعب بالتراب و بالحصى ...
بينما التمسوح الأوروبي يلعب بالثلج ويسوي رجل الثلج واذا بيلعب مع ربعه يرشهم بالموية ...
• ثانياً:
التمسوح السعودي اذا بدا يروح للمدرسة يصحى وهو يصيح ويصارخ وما يرضى الا يعطونه حلاوة كل شوي ..
بينما التمسوح الأوروبي يا حياتي أول يوم يروح للمدرسة وهو يضحك ويغني ومبتسم ..
ويرجع يعلم أهله وش سوى في المدرسة
• ثالثاً:
التمسوح السعودي في سن عشر سنين جاحد السحالي ..يا يلعب كورة يا يلعب مصارعة ..
واذا جت السحلية يا حياتي تبي تشاركه صرخ في وجهها ( وخري هذي لعبة أولاد مو لعبة بنات روحي العبي بـ باربي )
بينما التمسوح الأوروبي في سن عشر سنين يحسب حساب السحلية معه قبل أي شي... ولا عمره يقول لها روحي العبي بـ باربي
• رابعاً:
في سن 16- 20 <<< يا حليلهم كبروا
التمساح الاوروبي اذا اعجبته سحلية يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب..
بينما التمساح السعودي اذا فرضنا أنه أعجبته سحلية مع أنه ما يشوف الا عباية ما يدرى وش تحتها ..
يعطيها ورقة مشقوقة ..مكتوب عليها رقم********** قمة الرومانسية
• خامساً:
التمساح الأوروبي اذا حب سحلية يقوم يعلم أمه وأبوه إن فلانة حبيبته و ما يروح ولا يجي الا معاها ..
بينما التمساح السعودي اذا حب سحلية يكتم الامر ليه مو علشان التقاليد .. لا علشان يقدر يغازل غيرها ..
واذا علم أحد يعلم ربعه الجحلط <<<<<<< يعني انني مطيح سحالي
• سادساً:
التمساح الأوروبي اذا ذبحته الرومانسية أخذ حبيبته في قارب على النهر وقام يجدف ويطالع فيها ..
بينما التمساح السعودي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر فيها بشارع مظلم ويوقف عند بقاله كل أخوياه مسنترين هناك <<<< يعني شوفوني مركب سحلية ...
وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة
• سابعاً:
التمساح الأوروبي يجيب لحبيبته هدايا يا ورد يا ساعة يا عطر أو دبدوب ويفرح اذا شاف حبيبته تستخدمهم ..
بينما التمساح السعودي ما يعطي السحلية الا قطعة الورقة اللي قلنا عنها من أول ( الرقم ) وبعدين يصير ياخذ منها
وهي على نياتها تحط له كل يومين هدية في محل باسمه وهو يجي ياخذها .
• ثامناً:
التمساح الأوروبي لا سمح الله لو تزاعل هو خويته ولا تفارقوا تلقاه يزعل ويبكي
ويقول أنا السبب انا اللي ماعرفت أصونها
بينما التمساح السعودي ..اذا خويته انخطبت ولا طنشته وهو أصلاً ماعنده نية يتزوجها يبدأ يهدد ترى بأنشر رقمك ترى بأفضحك ..غير الازعاجات كل يوم وكل ليلة على جوال المسيكينة.
• تاسعاً:
التمساح الأوروبي دايما يسأل حبيبته ..حبيبتي وش رأيك أسوي كذا ولا أشتغل كذا ولا أدرس كذا
بينما المحروس التمساح السعودي ما يسأل السحلية الا سؤالين ..تحبيني ولا لا ...
والسؤال الأبيخ ..صديقي يبي يتعرف على سحلية ما عندك وحدة من خوياتك أعرفها على خويي ...تراه رهيب
• عاشراً:
التمساح الأوروبي ينهي علاقته بالفتاة اللي يحبها بالزواج ويكونون أسرة سعيدة ...
بينما التمساح السعودي ..لا يمكن و مستحيل ومن سابع المستحيلات يحب سحلية كان يعرفها الإ يشطب على اسم عايلتها من البشرية ...
ما بقى الإ هي يتزوج سحلية كانت تعرف عيال ...
مع التعديل
تحياتي
28 - 02 - 2006, 15:35
المواضيع المتشابهه 
