الليالي السرمديه

[عبدالرحمن]

هاذه قصيده للشاعر حامد زيد نزلت في ديوانه المكتوب الاول وديوان الصوتي الاول ايضا


من عرفت العلم وانتـي يالليالـي سرمديـه
والوصول أغلى طموحات الفتى بأول شبابـه

والمهابـه ماتهـادت غيـر لنفـوسٍ رديـه
ليت في قلب الليالـي للفتـى قـدر ومهابـه

دنيةٍ تجمـع صفاتيـن الخجـل والعنجهيـه
كنها بنـت يـزود بحسنهـا ثقـل وذرابـه

يوم جتنـي تمتحنـي فـي زمـان الجاهليـه
جيتها رجـلٍ تحلـى فـي تقاليـد الصحابـه

بالعطا تبخل علـي وبالعـذاب تمـوت فيـه
عشتها قلب شجـاع يكـره الضيـم ويهابـه

بس ابدري وش نهاية وصلها وأخـر هديـه
وهو صحيح ان القصايد للجريح أول عذابـه

ومن عرف لك يالليالي وانتي اكثر من هويـه
ومن تلحف في ترابك مقتنع باللي جـرا بـه

مـن قـدر طموحـه فـي زمـان المعمعيـه
مَن مِن الناس يتجرا يتركـك وانتـي ترابـه

السـؤال يعيـد نفسـه والاٍ جابـه مبدئيـه
والقلوب اللي تخالف ودهـا صـارت تشابـه

والخلايق ماتسـوي طيبهـا جـود وحميـه
كلنا نضحـك بوجـهِ مبتسـم للغـدر نابـه

لو يصير الموت راعي .. كلبونا لـه رعيـه
لو زعل نزعل ونرضى لا رضى حضرة جنابه

والله اني مانويت اكشـف ملفـات القضيـه
لكن اني شفت شـيٍ يفقـد العاقـل صوابـه

ياالحياه انتـي غديتـي بالغرابيـل اجوديـه
كنك اللـي مايميـز بالخطـا غيـر ارتكابـه

ماعطيتي غير جرح ولعنبوهـا مـن عطيـه
والله انك ما عطيتي خيـر للقلـب وصوابـه

خاينه .. ما انتي عزيزة خافقـي ياالأجنبيـه
جنبي عني وأجنـب مـن مداخيـل الغرابـه

وأخذ بـدربٍ يـدرك للقـى روحـه وجيـه
يايموت الـدرب ولا بدفـن القلـب بضبابـه

وان ذبحتني تمنـي رجعتـي وابكـي عليـه
لين تملين المحاجر بالبكـا حـزن وكـآ بـه

وادفنيني بيـن ظلـك والخيـوط العسجديـه
لو لقيتي بعد موتي واحـد بنفـس الصلابـه

شاعرٍ قدم قصيـده لاغلـب أيامـك ضحيـه
بيـن نـاسٍ مايطيقـون القرايـه والكتابـه

يازماني لو بقى للشعر فـي صـدري بقيـه
بكتبه وارسم خيالي بالـورق وأروي سرابـه

وكـان ردت للعنـاد وعــودت للمقـدريـه
والله أني ما اتنـازل ليـن اعديـه السحابـه

يازمـانٍ مبتلـي بـه وابتلـى فينـي بليـه
لاتلوم اللي يخونك كـان لـه عقـل ولبابـه

بقفل القلب المشقـى عـن هبايبـك العتيـه
ودق بابه من بعدها لـو قـدرت تـدق بابـه

الحياه اللـي تسمـي لعبـة الشاطـر خطيـه
ماتساوت في عيوني مـع جناحيـن الذبابـه

أذكر أنـي كنـت عايـش بالليـال الاوليـه
وأذكر أني كنت عايش وقتها باحضان غابـه

ماعرفت إلا عبـارة مثلهـا مثـل الوصيـه
عيش عمرك ذيب تسلم من مخاليب الذيابـه

اتمنى ان تنال على رضاكم ...

[جـ الغدر ـرح]

أذكر أنـي كنـت عايـش بالليـال الاوليـه
وأذكر أني كنت عايش وقتها باحضان غابـه

ماعرفت إلا عبـارة مثلهـا مثـل الوصيـه
عيش عمرك ذيب تسلم من مخاليب الذيابـه


قصيده رائعه جداً حبيبي دحيم


هذا الشعر والله ... بس لو تحاول تخليها مقطع صوتي اذا تقدر تكون احلى

[الذيب]

والله رهيبه وتوسع الخاطر

هنا يقصد جرح الغدر

ماعطيتي غير جرح ولعنبوهـا مـن عطيـه
والله انك ما عطيتي خيـر للقلـب وصوابـه
بس ابدري وش نهاية وصلها وأخـر هديـه
وهو صحيح ان القصايد للجريح أول عذابـه



وهنا يتكلم عن الشات
يوم جتنـي تمتحنـي فـي زمـان الجاهليـه
جيتها رجـلٍ تحلـى فـي تقاليـد الصحابـه


هذا رايي

بارك الله فيك يا سعادة النائب

وابشر بردها من قصيد سليمان بن شريم رحمه الله

[عبدالرحمن]

في انتظار ردك ...

[جـ الغدر ـرح]

هذي القصيده الخاصه بـ الليالي السرمديه

[RAMS]http://www.al-wed.com/music/7amd_zed/al_lyali_alsrmdeah.ra[/RAMS]

[دلــــوعة كويتية]

السلام عليكم ورحمه الله وبركــاته ...


من روائع حامد زيـــــد :)

مشكور أخوي عبدالرحمن على القصيـــدة

وتسلم ايدينك اللي نقلتها لنــا



*-* مع ارق تحيتة .. دلوعة كويتية *-*