لا يفوتكم يابنااااات ، تشيز كيك رهييييييب

[عربجية ناعمة]

خواتي حبيباتي

اليوم جيتكم بطبق جديد ومن جد لذيذ ، سهل وسريع ، وغير تسذا شي رزة ،
تقدميه للضيوف المهمين و في المناسبات ، بمعنى ثاني انه شي كشخة .
ما اطول عليكم عشان ما أطفشكم ، بس بالله لا تنسوني من دعواتكم ....


طبقنا اليوم تشيز كيك




مقادير الطبقة الاولى :

1 علبة بسكويت دايجستيف كبير 400 جرام
1 اصبع زبدة 113 جرام سايحة

مقادير الطبقة الثانية :

3 ظرف دريم ويب
3/4 كوب حليب بارد
1 باكت جلي ليمون
1/2 كوب ماء مغلي
12 حبة جبن كيري

مقادير الطبقة الثالثة :

علبة باي فيلينق بنكهة الكرز الازرق



الطريقة :
نطحن البسكويت في المطحنة الكهربائية و نتأكد انه اتطحن ناعم
( أنا شخصيا بنزله من مصفاة ناعمة )
نخلط البسكويت مع الزبدة جيدا ثم نفرد الخليط في الصينية ذات القاع المتحرك
ونضع الصينية في الثلاجة لحين الإنتهاء من عمل الطبقة الثانية .



نخلط جلي الليمون مع الماء المغلي ونتركه يبرد
نضع بودرة الدريم ويب في وعاء ونضيف الماء البارد ونخلط جيدا حتى يتضاعف الخليط
ثم نضيف الجلي بعد أن يبرد بالتدريج ونخفق
نضيف الكيري ونخلط جيدا حتى يتجانس الخليط



ثم نصب الخليط على الطبقة الأولى



نضع الصينية في الفريزر إلى حين قبل التقديم بساعة



قبل التقديم نصب الحشو على الطبقة الثانية ونتركها في الثلاجة لمدة ساعة حتى تبرد





عند التقديم نمرر السكين بين الحلى والصينية حتى يسهل فك القالب

نفك القالب والقاعدة أيضا ونضعه في طبق التقديم







وعليكم بالعافية .........
يابنات بالله تجربوه وتقولولي رأيكم ، عندي أطباق كثيرة بس أبغى منكم تشجيع عشان أنزلها كلها
اختكم
غايـــــــــه

[راعية الجوازات]

يمي يمي
امووووت عالحلو
تسلمين يالغلا عالتشيز كيك وان شاءالله بسويه
^_^

[عربجية ناعمة]

يسلمووووووووو راعيه على المرور الحلو والرد الاحلى

[عــالـية الـهمة]

أبشرك غاية سويته وطلع لذيذ وايد

بس أنا حطيت ظرف واحد دريم ويب >>>> ما أحبه كثير

لكن طلع تماااااااام


مشكورة قلبي على الحلا

وننتظر القادم منك



عالية الهمة

[عربجية ناعمة]

العفو حبيبتي عالية الهمه

[جـ الغدر ـرح]

تشكرات غايه بس لو فيه صور


عموماً ننتظر الصايخه اذا قدر يسويها

[عربجية ناعمة]

العفو جرح لو عندي صور كان نزلتهن