تعالوا بعرض عليكم حركات البنات في المنتديات
1- إذا كانت تبغي تبين إنها دلوعة ورقيقه تشوفها تحط وروود ودببه
أشكال والوان وأحجام أو إنها تحط صور صغار
أو صور كرتونية ( سالي وليدي) و دووووم تكتب بألوان هاديه (وردي و أحمر) مسويه عمرها
بنـــــــــــــــــوته !!!
طبعا هذا كله خرطي وباللغة العاميه شخابيط
2- إذا الشباب حطوا موضوع يخوف وإلا مقزز
شوفوا الردود :
يخوف
واااااااااااااااااااااي اهئ اهئ حراااااااااام عليكم خوفتوني
لا لا لا ما أتحمل بصيح بصيح /ماماتي لا لا ما بنام روحي اليوم بسير بنام عند مـــــامي / لا لا
مستحيـــــــــــــل أبي أمي أبي أبوي أبي زوجي ,, ,,
( اونها عاد خايفه و ما تتحمل ) خخخ
مقزز
وعععععع شو هذا / لوعت بجبدي
( وفخاطرها تقول يم يم لذيذ )
3- اذا كانت مريضة تعالوا شوفوا الدلع فالردود:
واااااااااااااااي انا مزكمة و خشمي منسد ... وااااااااااااااااااي
ما اقدر اتنفس , الحقووا علي بموت ,,,, يا ويـــــــــــــلي
اهئ اهئ ... ماأبغى اروح المستشفى أخاف من الإبرة
امــــــــــــــــي ,,, لا لا لا
اهئ اهئ ( توقف الصياح و تكح) كـــــــــــــح كــــــــح كح
وما تخلي حد إلا وخبرته إنها مريضه
( وآخر شي يظهر ما فيها شي والدكتور يعطيها حبة بندول ويقول لها انقلعي من وجهي أو إن قصدها من هالحركات يلبوا لها طلباتها )
4- عاد كله كوووووووووووووم و الدراسة كوم ... إذا كانت تدرس في جامعة و لا كلية ,,, تبغى تقول لكل أعضاء المنتدى إنها جامعية (مو مصدقة) ... و تقعد عاد تتكلم عن السير الفلاني
( و تلقاها من هاك الصوب عليها امتحان علوم هذا اذا ماكان تربية أسرية بعد / ثاني اعدادي خخخخ لا و مسائي بعد!!!)
5- دووووم تمثل دور البنت المدللـه اللي ما ينرفض لها طلب
اذا تكلمـــوا عن طبيخ ,,, قالت : ( وع انا مادش المطبخ ... أخ كابوس .. اصلا نحن عندنا 3 طباخين )
(( كله كذب ,,, تلاقي أهلها كارفينها كرف من غسل المواعين و القدور .. حتي السيارات يمكن هي تغسلها وإذا خلصت الشغله يخلونها تغسل الزوالي
6- و إذا طرحوا موضوووع عن دووول سياحيه (مشهوره) قالت : عاااااااااااااااااادي انا كل صيف اروح لها و اصلا نحن عندنا محلات و عقارات هناك
(( والله و لا شبرت هالاماكن .. اصلا موقع الدوله عالخريطة ماتدله...
7-إذا تكلمــوا عن الماركات و المحلات الراقية والغالية و الأزياء و المصممين
شوفوا الرد عاد
( اصلا انا ساعاتي كلها من هالماركة و مكياجي ما اشتريه الا من هالمحل و المصمم هذا اصمم عنده (بيجاماتي) و جلابيات البيت وفساتين الاعراس.... الخ )
كركركركركركركركركركركركركركر
مسويات زحمه بالمنتديات
10 - 01 - 2006, 16:24
المواضيع المتشابهه 
